Kryeministri Edi Rama në një konferencë për mediat pas mbledhjes së qeverisë në Fier, ka shpjeguar për gazetarët vendimet që janë marrë, ku fokusi është vendosur në miratimin e projekteve infrastrukturore në këtë qark dhe dhënien e ndihmës për fermerët e shumtë në zonë.

Rama nënvizoi se janë marrë dy vendime të rëndësishme me impakt kombëtar dhe një prej tyre është sigurimi i Herceptinës falas nga qeveria.

“Së pari për listën e re të barnave të rimbursueshme e cila është zgjeruar për të mbuluar më shumë nevoja të qytetarëve. Përveç 36 barnave të reja që do të rimbursohen nga shteti për të gjithë njerëzit në nevojë për medikamente, do të përfshihet edhe herceptina, një trajtim për kancerin e gjirit, një trajtim shumë i shtrenjtë dhe shumë problematik. Tani më do të përfitohet tërësisht falas në të gjitha spitalet publike të Republikës. Bëhet realitet një zotim me peshë jo të vogël financiar dhe nuk do ketë më asnjë mungesë të trajtimit me herceptinë për të gjitha gratë dhe vajzat që do të kalojnë kalvarin e përballjes me tumorin e gjirit”, deklaroi kryeministri.

Sipas Ramës rehabilitimi e“qendrës dhe zonës së çliruar të lumit Gjanica që përshkon mes përmes qytetin dhe që deri pak muaj më parë ishte i fshehur pas ngrehinave pa leje dhe ishte kryer në burim problemesh shumë vjeçare për Fierin”, është vetëm një prej projekteve madhore të qeverisë në këtë bashki.

Kryeministri theksoi se janë ndërmarrë një sërë politikash nxitëse në funksion të zhvillimit rural dhe në mbështetje të fermerëve, të cilët në këtë zonë janë të përkushtuar dhe interesuar për të rritur ekonominë e tyre përmes punës së palodhur me tokën.

Ndërtimi dhe administrimi i inceneratorit të Fierit, është një nga projektet që sipas Ramës do t’i japë zgjidhje përfundimtare grumbullimit dhe trajtimit të mbetjeve urbane dhe për më tepër prodhon energji të gjelbër për zonën.

Published in INNEWS

Gjatë kësaj të premteje Kryeministri Edi Rama ishte i pranishëm në panairin kushtuar promovimit të arsimit profesional.

Gjatë fjalës së tij kreu i qeverisë u shpreh sese arsimi profesional është një alternativë e mirë punësimi për të rinjtë çka siguron edhe paga më të mira.

Ai theksoi se kjo mungesë dramatike e kaq shumë zanateve e profesioneve në një vend që është në zhvillim, do të thotë as më shumë e as më pak po një vend që ecën jo mbi dy këmbë, po vetëm me një këmbë.

“20% më shumë është mundësia e punësimit e atyre që kryejnë arsimin profesional në krahasim me ata që e kanë një diplomë universiteti. Kjo lidhet dhe me cilësinë mizerabël të shumë diplomave të universiteteve të së shkuarës dhe tanimë të mbyllura, por nga ana tjetër lidhet dhe me urinë e madhe që ka tregu i punës për zanatçinj, profesionistë.Gjithashtu është me rëndësi të përmendet dhe fakti që numri i të diplomuarve në arsimin profesional është rritur me thuajse dyfish krahasuar me një vit më parë. Ne do të vazhdojmë ta nxisim shumë fort arsimin profesional.Po ashtu, statistikat tregojnë qartë që dhe vlera e pagës për nxënësit që mbarojnë arsimin profesional në vendin e tyre të parë të punës është më e lartë se ajo e atyre që mbarojnë arsimin e mesëm të përgjithshëm në vendin e tyre të parë të punës”, tha Rama.

Published in INNEWS

Kryeministri Edi Rama ka komentuar situatën aktuale të ish ministrit Tahiri i cili i kthye sot në Kuvend. I pyetur nga Sokol Balla nëse i është bërë presion nga ai, Rama tha që i vjen për të qeshur, sepse e njeh mirë atë.

“Nuk kam batutë për ata që janë rritur nën hijen time. Është diclka që më bën për të qeshur që Saimir Tahiri më bën presion, apo dikush tjetër. Nuk besoj se ka në këtë histori lidhje presioni. Unë e njoh mirë dhe e di si funksionon dhe e di mirë që nuk është njeriu që përdor të tilla metoda që përdorin ata që e komentojnë. Sinqerisht më vjen për të qeshur”, u shpreh Rama.

Kryeministri Edi Rama u shpreh gjithashtu se u surprizua nga vendimi i cili ndalon deputetin Tom Doshi hyrjen në Shtetet e Bashkuara. Rama tha se për këtë çështje nuk ka informacione më shumë.

“U suprizove dhe jam i keqardhur. Nuk kam ç’them se skam informacion më shumë”, deklaroi Rama në ‘real Story’.

Rama tha gjithashtu se është i keqardhur edhe nga vendimi i DASH për t’i ndaluar hyrjen në SHBA edhe ish-kryeprokurorit Adriatik Llalla.

rd.png

Published in INNEWS

Në një postim në rrjetin social facebook nënkryetari i LSI-së Petrit Vasili thumboi kryministri Rama duke u shprehur se gjatë konferencës për mediat me shefen e diplomacisë Mogherini, kreu i qeverisë mbrojti ish-ministrin e brendshëm Tahiri.

Edhe një herë Vasili u ndal tek protestuesit e Kukësit duke fajësuar Ramën.

Sipas tij kryeministri e ka flamurin të zi dhe jo kuq e zi. Kujtojmë se gjatë konferencës me diplomaten e BE-së Rama ftoi Bashën për bashkim në një fanellë kuq e zi.

Postimi i plotë
Kryeministri prokuror per ish ministrin e brendeshem,por i pavarur per kukesianet.Si s'ka turp.

Kryeministri sot ne sy te Mogerinit per ish-ministrin e tij te brendshem thote se prokuroria s'ka asnje prove te vetme. Kush eshte ky kryeminister prokuror i pergjithshem??

Qe prokuroria eshte kapur nga kryeministri dhe eshte kthyer ne zyre ne kryeministri kete e di gjithe bota,por sinqeriteti i kryeministrit eshte vetedemaskues.

Per kukesianet e burgosur per faj te tij dhe nga policia tij qe i burgos ne mes te nates thote kryeministri :s'kam lidhje me drejtesine dhe s'ka gje le te rrine ne burg.
Turp i rende,ky e shet Shqiperine per drogen,ndaj ky flamurin e ka te zi dhe jo kuq e zi.

Published in INNEWS

Një ditë pas propozimit të KE për çeljen e negociatave të Shqipërisë me BE, Kryeministri Edi Rama, e ka nisur ditën me një foto me mikeshën e shqiptarëve siç dhe thotë vetë ai. Rama i uron mirëmengjes shqiptarëve të tij nëpërmjet një fotoje me Përfaqësuesen e Lartë të Bashkimit Europian, Federica Mogherini.

Ata shfaqen të dy duke shtrënguar duart dhe të qeshur.

Statusi i plotë i Ramës:

ramaaa.jpg

Published in INNEWS

Kryeministri Edi Rama teksa ka komentuar rekomandimin për çeljen e negociatave nuk ka nguruar të përmendë edhe rolin e opozitës ku nënvizon se ka “lënë kockat” për ta penguar sa më tepër integrimin e Shqipërisë por  pa harruar edhe edhe disa thumba për portalet.

Gjatë fjalës së tij ai shtoi se dora është e shtrirë ndaj opozitës duke e ftuar që të mos ngatërroj përplasjet me sfidën e përbashkët kombëtare

“Nuk është fitorja e partisë që u investua me mish e shpirt për këtë ditë kundrejt partisë që bëri gjithçka për të shtyrë këtë ditë! Nuk është fitorja e qeverisë mbi opozitën që la kockat për ta bërë të pamundur këtë objektiv.Sot ka fituar atdheu unë i përçmuar prej shumë vitesh nëpër Europë. Sot kanë fituar shqiptarët që të gjithë, pa asnjë dallim. Sot është Shqipëria që ka fituar një status të ri në shoqërinë e vendeve europiane.
Dora jonë është sot e shtrirë përsëri ndaj opozitës dhe e ftoj sot përballë gjithë shqiptarëve, socialistë e demokratë dhe veçanërisht para gjithë fëmijëve të Shqipërisë që të mos ngatërrojnë përplasjet për çfarë na ndan së brendshmi, me sfidën e përbashkët kombëtare. Por t’i dalim sot zot gjithë Shqiptarisë dhe të ardhmes së saj evropiane”, u shpreh kryeministri.

Por gjatë fjalës së tij Rama ka thumbuar portalet lidhur me frymëmarrjen e tij gjatë fjalimit për Rrugën e Kombit.

‘Jam i emocionuar, ata që merrem me frymëmarrjen mbase e ndjejnë dhe shumë krenar sepse ia dolëm këtij provimi të stërvështirë, i dhamë Shqipërisë një staturë të re në arenën ndërkombëtar edhe dolëm nga një tjetër udhëkryq mes të shkuarës dhe të ardhmes” u shpreh kreu i qeverisë.

Published in INNEWS

Dhënien e rekomandimit pozitiv për çeljen e negociatave nga Komisioni Evropian, kryeminsitri Rama e cilësoi si arritjen më të madhe të Shqipërisë në 30 vite përpjekje, rënie, ngritje, dështime dhe ringritje për t’u bërë pjesë e pandashme e familjes së madhe evropiane.

“Sot kemi kaluar sprovën historike të ngjitjes në një shkallë të re si vend dhe si popull. Jemi rekomanduar pa asnjë rezervë nga KE si një shtet që mund dhe duhet të ulet në tryezën e negociatave për të hyrë në familjen e BE. Jam krenar sepse ja dolëm këtij provimi të vështirë.

I dhamë Shqipërisë një staturë të re në arenën ndërkombëtare dhe dolëm nga një udhëkryq i së shkuarës”, u shpreh Rama.

Sipas kryeministrit rruga në vijim “sado e përpjetë dhe sado e gjatë apo e vështirë të jetë”, do të kalohet pasi Shqipëria synon “stacionin e rradhës” dhe ai është anëtarësimi në BE.

“Shpejtësia e mbërritjes në stacion varet në rradhë të parë nga ne, nga të gjithë ne”, nënvizoi kryeministri në një deklaratë për mediat.

Published in INNEWS

Minatorët ia kanë thënë në sy Edi Ramës vështirësitë ekonomikë dhe barrën financiare që po hasin nën qeverisjen e majtë. Duke i rikujtuar timonin e qeverisjes së vendit minatorët i kërkuan që të ndjekë politikë të majtë, ashtu siç edhe mori votën e qytetarëve.

Minatori:
“Të lutem kthe timonin djathtas se po ecën shumë majtat. Janë rritur shumë taksat, mezi po marrim ilaçet. Taksat janë të domosdoshme, por janë shumë të larta për shtresën në nevojë”.
Por Rama e konsideroj keqkuptim të madh gjithë atë që po ndodh me çështjen e taksave.
Edi Rama:
“Po e nis nga kjo e fundit, se ka një keqkuptim të madh për këtë çështje. Sot në Shqipëri ka një dallim të madh në aksesin ne medikamente të popullatës. Ne kemi hequr taksën për ilaçet. Unë të sfidoj të më thuash një takstë që kemi rritur për njerëzit në nevojë”.
Minatorët vijuan të denoncojnë situatën e vështirë në të cilën ndodhen. Një prej tyre është rimbursimi i ilaçeve, për të cilët Rama sheh përgjegjës administratën. Ndërsa minatorët këmbëngulnin për të marrë fjalën e tyre në interpelancën e thirrur mbi projektligjin e statusit të minatorit, Rama nuk nguroj të kujtojë rregullat.
Edi Rama:
“Nuk kemi këtu Gramozin por rregulla janë njësoj ndaj me radhe, me radhë ju lutem”.

Published in INNEWS

Ndërsa Kryeministria përgënjështroi lajmin se kryeministri Rama nuk kishte plan të shkonte në Shkodër duke thënë se ishte sajesë e PD, selia blu reagon.

Në një deklaratë për mediat PD shprehet se Rama u fsheh nga shkodranët dhe se gënjeu kur tha se nuk kishte plan të shkonte në Shkodër.
Më tej në deklaratë thuhet se Kryeministria I kishte çuar axhendën gazetarëve të Shkodrës dhe u bën thirrje mediave të publikojnë mesazhet e shpërndara nga Kryeministria. PD shprehet se gazetarët e Vlorës u lajmëruan për vizitën e Ramës 10 minuta para nisjes.

Reagimi i plotë:
Edi Rama u fsheh si frikacak sot nga shkodranët, duke anulluar vizitën e bërë publike një ditë më parë nga mediat e kontrolluara prej tij.

I çekuilibruar psikologjisht, për shkak të protestave që po e ndjekin deri tek dera e shtëpisë, Edi Rama gënjeu sot publikisht shqiptarët, kur tha se nuk kishte në plan të shkonte në Shkodër, por në Vlorë.

Kryeministria e ka shpërndarë njoftimin për axhendën e Edi Ramës në Shkodër tek disa nga gazetarët që mbulojnë aktivitetin e Ramës, tek Partia Socialiste e Shkodrës dhe deputetët e saj.

PD u bën thirrje mediave të publikojnë mesazhet e shpërndara nga kryeministria, të jenë në lartësinë e misionit të tyre për të informuar publikun me vërtetësi dhe paanshmëri.

Propaganda bajate nuk e mbulon dot as frikën e Ramës as nga shqiptarët, as faktin se, në çoroditje e sipër nga protesta e shkodranëve, gazetarët e Vlorës u lajmëruan me urgjencë nga Bashkia për praninë e Ramës në ceremoni vetëm 10 minuta para nisjes së saj.

Published in INNEWS

Do të jetë Rama këtë të shtunë në Shkodër apo jo? Në media qarkulloi lajmi se kryeministri sot do të ishte në Shkodër ndërsa PD u shpreh se Rama anuloi vizitën pasi u tremb nga protesta e qytetarëve që ishin ngritur kundër TVSH në biznese.

Lidhur me këto lajme ka reaguar edhe Kryeministria e cila shprehet se Rama nuk ka patur në plan të vizitojë Shkodrës duke e konsideruar një lajm të shpikur nga PD.

Madje në reagim thuhet se Rama sot është në Vlorë për të marrë pjesë në takimin e planifikuar për 100-vjetorin e Shërbimit Stomatologjik në Vlorë ku nëna e tij Aneta Rama do të dnerohet si gruaja e parë në këtë shërbim.

Në deklaratën e Kryeminsitrisë sqarohet se vizita e supozuar në Shkodër është shpikur nga PD për të nxitur një tension të kotë në luftën e dëshpëruar me pafuqinë e saj.

 

Published in INNEWS