Raporti i Departamentit Amerikan të Shtetit konfirmon shqetësimet që ka ngritur më herët Partia Demokratike. Kështu ka deklaruar kreu demokrat Lulzim Basha në një deklaratë për mediat. Për liderin e opozitës këtë herë janë Shtetet e Bashkuara të Amerikës që pasqyrojnë realitetin e trishtë të Shqipërisë.
‘Meqë raporti është i qartë dhe i kuptueshëhm për të gjithë nuk ka nevojë për shumë komente. Për fat të keq është një pasqyrë e vërtetë e realitetit të trishtë të Shqipërisë, këtë herë i përcjellë nga SHBA. Janë disa shtylla kryesore, ku ndalet raporti i DASH, si, zgjedhjet të blera, qeveri e korruptuar, drejtësi e kapur, media të kapura. Çdokush mund t’i lexojë këto vargje që janë online në anglisht. Flitet për arrestime, mbajtje të paligjshëm të qyetarëve në polici, këto janë shqetësime të ngritura edhe më herët nga PD”, tha Basha.

Published in INNEWS

Vetëm pak minuta pasi Gjykata e Apelit Shkodër dha vendimin për 11 protestuesit e Kukësit, ku 7 prej tyre u liruan ka reaguar edhe kreu i opozitës Lulzim Basha.

Në një postim në rrjetin social Facebook Basha shprehet se vendimi ishte një arritje e protestës dhe rezistencës së qytetarëve.

Ndërsa vendimin për lënien në burg të 4 protestuesve ai e quan drejtësi gjysmake.

Basha paralajmëron se qëndresa qytetare do të vijojë.

Postimi i Plotë

Vendimi i sotëm për lirimin nga arresti të 7 prej kuksianëve të grabitur nga shtëpitë e tyre me urdhër të Edi Ramës, është arritje e protestës dhe rezistencës së qytetarëve.

Por kjo drejtësi gjysmake është në fakt padrejtësi, sepse 4 kuksianë mbahen në qeli, ndërkohë që trafikanti ndërkombëtar i drogës Sajmir Tahiri është në parlament.

Ky është thelbi i regjimit të Edi Ramës: burg për popullin që ngrihet kundër grabitjes, liri për kriminelët që mbajnë Edi Ramën me paratë e drogës dhe vota të blera.

Ndaj protesta dhe qëndresa qytetare do të vazhdojë. Nga fati i kësaj beteje varet e ardhmja europiane e Shqipërisë. PD është në krah të njerëzve, është në krah të popullit.

Published in INNEWS

Kryetari i Partisë Demokratike, Lulzim Basha në një deklaratë për mediat menjëherë pas kthimit nga Gjermania, u shpreh se opozita ishte pro hapjes së negociatave dhe e nisi e para punën për lobimin në vendin më të fuqishëm të BE, pikërisht në Gjermani për këtë aspiratë të madhe të shqiptarëve.

“Unë isha në Gjermani për të zhvilluar bisedime intensive me partnerët tanë për të kërkuar votën pro të Gjermanisë, që renditet ndër vendet skeptike. Rekomandimi është ftesa për t’u futur në oborrin e BE, por derën e hapin vendet anëtare, që mblidhen të vendosin në qershor.Hapja e negociatave është në vetvete një proces i gjatë, 35 kapituj negociatash, duhet një punë e gjatë dhe voluminoze për t’i arritur këto. Sot nuk është dita për të festuar, por për të punuar.

Ne e nisëm punën para së këtu të vinte Mogherini, në vendin më të rëndësishëm, në Gjermani. Për Gjermaninë nuk janë 5 rekomandime për tu plotësuar, por janë 7 rekomandime, dekriminalizimi dhe reforma zgjedhore.

Ne kërkuam në mënyrë të qartë që Shqipërisë t’i hapen negociatat, por nga gjermanët kemi hasur në skepticizëm dhe mosbesim.

Raportet e tyre tregojnë se nuk është kapur asnjë kryebandit. Shqipëria ka humbur akoma më tepër vende në luftën kundër korrupsionit. Reforma në drejtësi po ecën me hapa të ngadalta. Reforma administrative, në raportin gjerman thuhet se vetëm në vitin e fundit 30% e punësimeve janë politike. Detyra e opozitës nuk është të fshehë të vërtetën.
Ne kërkojmë hapjen e negociatave, sepse kjo do të rrisë presionin mbi qeverinë.Pyetja e parë që mu bë është pse po e kërkojmë? Më thanë që banditët janë në arrati, por edhe figura të larta si Saimir Tahiri. Gjermania është e mirëinfomuar, i dinë të gjitha. Dinë që ai s’po arrestohet, ashtu si dy shefat e lartë të policisë që ia mbathën. Shqipëria renditet në 11 vendet më të korruptuara. Pavarësisht kësaj ne thamë se sa më shumë të vijojë integrimi, aq më shumë presion do ketë mbi qeverinë”, u shpreh Basha.

Published in INNEWS

Federica Mogherini ka zhvilluar takime me krerët më të lartë të shtetit dhe politikës në Shqipëri, një ditë pasi Komisioni evropian rekomandoj hapjen e negociatave të vendit tonë me Bashkimin Europian. Lulzim Basha zgjodhi që planet e takimit me Federica Mogherinin ti bëjë publike live në facebook, planë të cilat sollën dhe disa detaje më shumë rreth këtij takimi. Federica Mogherini shoqërohej nga ambasadorja e BE Romana Vllahutin, e cila në fakt sapo është ulur në kolltuk ka zgjedhur të nxjerrë telefonin nga çanta dhe të komunikojë me dikë tjetër në anën tjetër të telefonit dhe jo të përqendrohet në bisedën mes liderit të opozitës dhe shefes së politikës së jashtëm Federica Mogherini. Mbase biseda nuk ka qenë aq interesantë në tryezë se sa biseda me dikë tjetër që Vllahutin komunikonte gjatë gjithë kohës në telefon.

Published in INNEWS

Kryeministri Rama gjatë takimit me Shefen e Politikës së Jashtme të BE, mes të tjerash i ka dërguar një ftesë Kryetarit të PD-së, Lulzim Basha. Ai tha në mënyrë metaforike se duhet të bashkohen në një skuadër kombëtare nën fanellën kuqezi për të bindur vendet anëtare se Shqipëria e meriton hapjen e negociatave. Gjithashtu e këshilloi që të mos hedhë baltë mbi Shqipërinë dhe të mos ushqejë deputetët e forcave të ndryshme të vendeve të BE, që t’i vendosin shkopinj nën rrota vendit.

“Ftoj Bashën të bëhemi një skuadër kombëtare me fanellën kuqezi, dhe t’u kërkojmë të gjithë atyre që na vizitojnë në Shqipëri respekt për këtë vend, boll kemi të huaj që na vendosin shkopinj nën rrota. Jam dakord me Bashën, negociatat shtojnë presionin për ti bërë gjërat më thellë. Tani përballemi me jetën reale të politikës së Europës,” tha Rama.

Published in INNEWS

Në Berlin vetëm pak orë përpara vendimit të Komisionit Europian mbi publikimin e raport progresit për Shqipërinë Lulzim Basha ndodhet në Berlin. Nëpërmjet një video live në FB Basha thotë se CDU-CSU janë skeptikë për hapjen e negociatave të Shqipërisë, ndërsa tha se opozita kërkon hapjen e negociatave pavarësisht plotësimit ose jo të kritereve nga ana e Shqipërisë. Basha thotë se vetëm hapja e negociatave do të bëjë të mundur kontrollin e qeverisë së Edi Ramës.
Lulzim Basha:
“Jemi në sallën e seancës së veçantë dëgjimore të mbledhjes së përbashkët të anëtarëve të komisionit për Çështjet Europiane, në një seancë dëgjimore. Këtu është edhe një nga audiencat më kritike për zgjerimin në tërësi dhe për Shqipërinë në veçanti. Edhe për pak minuta do të nisë seanca dëgjimore ku shqetësimet kryesore të grupit CDU-CSU në këtë komision kanë të bëjnë me luftën kundër drogës, me luftën kundër korrupsionit. Kanë të bëjnë me reformën në drejtësi dhe qëndrimi është skeptik sa I përket hapjes së negociatave. Kështu që detyra më e vështirë është të bindim këtë komision sot që nga njëra anë, problemet reale në Shqipëri që ekzistojnë dhe për të cilat ata kanë raportimet e tyre objective dhe konkrete edhe nga agjencitë e ligjzbatimit dhe nga burime të tjera gjermane dhe europiane. Por që nga ana tjetër këto problem mund të luftohen më efektivisht me hapjen e negociatave dhe jo me mos hapjen e tyre dhe që opozita është e bashkuar në thirrjen e saj për të kërkuar hapjen e negociatave edhe si një mjet shtesë presioni dhe monitorimi për të intensifikuar luftën kundër krimit të organizuar dhe korrupsionit. Për të mundësuar zbatimin e vërtetë të Reformës në Drejtësi, një drejtësi të pa kapur politikisht. Me gjyqtarë dhe prokurorë të pa korruptuar që nuk mbrojnë por ndëshkojnë krimin e organizuar dhe korrupsionin, por edhe për çështje të tjera siç është reforma e Administratës Publike dhe Reforma Zgjedhore. Kjo është detyra që kemi sot dhe do të thoja pjesa më e vështirë e misionit këtu në Berlin për të bindur anëtarët e këtij komisioni që I përkasin spektrit më skeptik për hapjen e negociatave. Mbledhja do të fillojë për pak minuta dhe pas kësaj do të kem mundësinë të ju njoftoj prapë në FB për rezultatet e kësaj mbledhje."

Published in INNEWS

Një ditë përpara vendimit të Komisionit Europian Lulzim Basha ndodhet në Berlin, nga ku ka dhënë dhe lajmin pozitiv për vendin tonë. Kryedemokrati Lulzim Basha përmes një video live në facebook ka komunikuar sot se opozita ka marre “mbështetjen e grupit CDU-CSU ne parlamentin gjerman për hapjen e negociatave me Shqipërinë, vendim qe do merret pas rekomandimit te Komisionit Evropian”.

Lulzim Basha:
“Kemi kërkuar mbështetjen, për shqiptarët në një ëndërr për anëtarësimin e vendit por dhe si një përpjekje të shtuar për të plotësuar kriteret e paplotësuara në luftën kundër krimit të organizuar, reformën në drejtësi, reformën e administratës, respektimin e të drejtave të njeriut të nëpërkëmbura siç e tregoi rasti i fundit i Kukësit. Të gjitha këto janë shqetësime të thella për partnerët tanë, janë arsye të mëdha për të dyshuar ndaj këtu në emër të PD i kemi garantuar ta shohin si një proces që mundëson vazhdimin e betejës për të çmontuar kapjen e shtetit nga krimi i organizuar, për të çmontuar narkoshtetin si një problem jetik për Shqipërinë, për të vendosur politikanët e korruptuar para drejtësisë, për të kthyer konkurrencën, për të çliruar ekonominë nga monopolet dhe oligarkia, pra përmes hapjes së negociatave kemi kërkuar qe të fuqizojmë betejën tonë si opozitë për një Shqipëri të çliruar nga padrejtësia, nga përqendrimi i pushtetit në një dorë të vetme. Diskutimi i parë sot në Bundestag ka shkuar shumë mirë”.

Published in INNEWS

Kryetari i Partisë Demokartike, Lulzim Basha ka publikuar ditën e sotme një video ku tregohen pamjet që vërtetojnë rrëmbimin e qytetarëve kuksianë në mes të natës dhe sipas tij dëshmojnë se arrestimet e tyre janë bërë në mënyrë të paligjshme, dhe më pas policia dhe prokuroria kanë falsifikuar në bashkëpunim me njëra-tjetrën dokumentat zyrtare. Video e cila u komentua edhe nga Paloka gjatë një dalje për mediat.

“Ky është një krim shtetëror i kryer me ftohtësi kriminale dhe në bashkëpunim kriminal mes policisë dhe prokurorisë! Ky krim shtetëror tregon qartë se në Shqipëri është instaluar një polici dhe prokurori politike dhe ekstraligjore, e cila shkel dhe dhunon të drejtat kushtetuese të qytetarëve shqiptarë sepse është vënë në shërbim të regjimit të Edi Ramës. Misioni i këtyre institucioneve të kapura nuk është lufta kundër krimit dhe korrupsionit, por lufta kundër çdokujt që rrezikon apo kundërshton regjimin e Edi Ramës”, shkruan Basha.

Më tej ai shton se krimi shtetëror i rrëmbimit dhe burgosjes së paligjshme të qytetarëve të pafajshëm kuksianë duhet të ndëshkohet.

“Kjo është thirrje për një reagim popullor kundër padrejtësisë ndaj kuksianëve kurajozë që mbahen si kriminelë në burg, ndërkohë që kriminelët e vërtetë janë të lirë. Ne jemi me kuksianët. Ne jemi me popullin. Ky regjim kriminal duhet të ndalet dhe se bashku duhet të rivendosim demokracinë, drejtësinë dhe dinjitetin e njerëzve të thjeshtë”, shkruan Basha në FB.

Published in INNEWS

Kreu i PD, Lulzim Basha sot ka shkuar të takojë tregëtarët e vegjël të qytetit të Kavajës, që preken nga TVSH-ja. Ai dëgjoi nga ta shumë shqetësime me të cilat përballen, që nga mungesa e tregut të shitjes, ulja e numrit të blerësve deri tek taksat e papërballueshme, të cilat ju shtohen çdo vit. Madje një prej tyre nxorri dhe xhepat që i kishte bosh, pra pa asnjë qindarkë. Tregëtarët i thanë se mbi të gjitha TVSH-në se paguajnë dot. Kreu i të djathtëve theksoi tha se opozita është në krahun e tyre ndaj dhe po bën betejë të fortë politike me qeverinë si në parlament ashtu dhe në rrugë.

Pjesë nga fjala e Bashës:

"Të vetmit që janë pro uljes së TVSH-së janë Qeveria dhe oligarkët. Oligarkët sepse me falimentimin e biznesit të vogël përfitojnë ata. Qeveria sepse do ta japë me koncesion."

 

Published in INNEWS

Kreu i PD ka kërkuar nga foltoja e Parlamentit që të përjashtohet Rama nga salla dhe nga kuvendi përfundimisht me argumentin se po mban Kuksianët në burg dhe se ka bërë krime. Pasi foli Basha nuk dontë të largohej nga foltoja dhe i’u bashkuan dhe deputetët e tjerë edhe pse Ruçi ka këmbëngulur sistematikisht. Mësohet se Rama ka hyrë dhe ka dalë disa herë nga salla.

Në këto kushte Ruçi ka ndëprerë seancë.

Pas 5 minuta pushim nisi seanca dhe u ngrit Braçe duke akuzuar Bashë, që ka vjedhur paratë e Rrugës së Kombit.

protttok.jpg

basha.jpg

Published in INNEWS